رواية في ظلمه

ممكن استحمله ابدا يا مهران. 
يبقي كده احنا متفقين انا هاجبلك العقود وانتي تمضي عليها بصفتك الواصية علي ولادك. 
قبل ما أمضي علي حاجه ترجعلي ابني. 
ههههههه ضحكة خبيثة اصدحت في جدران الغرفه ثم اردف
انتي الظاهر عليكي لحد دلوقتي لسه مش تعرفي جوزك كويس 
انا ماحدش يلوي دراعي هاتعملي اللي أقولك عليه وإلا لا بقى تنسي ابنك ده خالص يا شاطرة. 
احنت رأسها بضعف ليس بيدها ايتها حيلة الان سوي ان تطيعه 
هات العقود وخلصني يا.... 
بتشتميني! وماله ما انا بردو كنت عارف انك هاتوافقي ومحضرهم ليكي من زمان في المكتب تعالي ننزل علي تحت. 

وفي غرفة المكتب جلست امامه علي المقعد تتفحص تلك الاوراق بعنايه ومضت علي كل شيء ما عدا ورقه واحده فقط امسكتها في يدها والتفتت اليه بنظرة غاضبة. 
الا الڨيلا يا مهران انا مضيتلك علي كل حاجة بيع وشړا الارض والمزرعة والمصنع حتي الملجأ اتنزلت ليك عن إدارته لكن
بيت ولادي لاء. 
الله انتي مش قولتي هاتمضي علي كل حاجه رجعتي في كلامك ليه تاني دلوقتي بس ما كنتي ماشية كويس. 
عشان ده بيت ولادي انا مش هاستني لما ترميهم في الشارع ومايلقوش مكان يقعدو فيه يا ريت بقي تصدق انت في كلامك و ترجعلي ابني زي ما قولت. 
سحب من يدها تلك العقود واتجه الي خازنته ليضعهم بها وهو يضحك مستخفا بكلامها. 
تمام يا جميلة بس زي ما انتي مانفذتيش وعدك كامل انا كمان هانفذ نص وعدي بس
يعني ايه هاترجع في كلامك يا حج مهران مش هاترجعلي ابني هاتحبس ابن اخوك يا مهران 
انا ما قولتش كده ابنك مش هايتحبس ودلوقتي حالا هاروح بنفسي واخرجه من القسم بس مش هايدخل البيت ده تاني. 
قصدك ايه انت عايز تبعد بيجاد عني وخلاص ناوي تودي الواد فين تاني يا مهران 
بيجاد ابنك ابو دماغ ناشفه اللي وارث العند والشجاعه من ابوه ده عمره ما هايشوف الراحة تاني ابدا 
عايزاني ارجعه في حضنك تاني عشان بدل ما يضربني بالمقص في دراعي يخطط وېقتلني المرة دي بقي. 
يعني ايه انت بتقول انك مش هاتحبسه يبقي هاتوديه فين 
الملجأ!! 
انتي مش اتنزلتي عن ادارته ليا انا بقي اول قرار هامضي عليه هايكون قرار دخول الطفل بيجاد مراد الالفي دار الايتام بصفته طفل يتيم الاب وليس له مأوى. 
روح منك لله يا ظالم يا مفتري. 
تعالي يا بيجاد اقعد يا أبني. 
من فضلك يا حضرة الظابط انا مش محتاج شفقه من حد. 
مش شايف ان كلامك اكبر من سنك يا بيجاد
عشان انا طالع لابويا هو رباني في الفترة القصيرة اللي عاشها معايا اني اكون راجل واواجه مشاكلي بقوه. 
الله يرحمه يا حبيبي ابوك كان ونعم الرجال بجد 
بس انت عارف ايه اللي مستنيك بعد كده انا لحد دلوقتي لسه ماكتبتش المحضر وعندي امل لما عمك يجي يرجع عن كلامه ويوافق علي الصلح. 
عمي مش هايوافق علي الصلح يا حضرة الظابط عمي دبر كل الفيلم ده عشان يخلص مني ودا اللي كان بيخطط ليه من ساعة ما حس اني بقيت اقدر ادافع عن امي وأقف قصاده. 
بص يا بيجاد انا عارف كويس اوي ان الفرق بين ابوك الله يرحمه وعمك كبير 
بس دلوقتي عمك في ايده يضيع مستقبلك في لحظة وفي ايده برضو انه يحافظ ليك عليه. 
عايز توصل لأيه
حضرتك
عايز اقولك لازم تساير امورك شويه وانا من ناحيتي هاكلمه لما يجي عشان يتراجع عن قراره ده. 
اسف يا باشا يمكن حضرتك تكون شايفني عيل ادامك بس لاء 
مش بيجاد الالفي اللي يطاطي راسه لحد حتي لو كان عمه اخو ابوه. 
صوت كلاكس سيارته جذب انتباه جميع الحاضرين في الجامعه وهو يضع يده عليه بأصرار عليه يدوي ويدوي دون انقطاع
وقفت بين زملائها مندهشه مما يفعله ذلك المعتوه هو ما تطلق عليه تؤم روحها ولكنها لم تلتفت اليه حين رأت حراسها وهم يشاهدون الموقف من أوله
قرر احد اصدقائه ان ينهي تلك الوصله وهو يلوح له بيديه
ما خلاص بقي يا عم زياد الجامعة كلها سمعتك. 
ها هو يترجل خارج سيارته ووجهه مقفهر من الڠضب واذا به يتجه اليها ويتمتم بكلمات لنفسه
الجامعه كلها سمعت
والهانم عامله فيها مطرشه 
ساره.. 
ما كان منها غير انها تحاول الابتعاد عنه وتجري من امامه الي داخل المبنى. 
استني هنا انتي ايه اللي جرالك مالك بتجري كده ليه 
عايز ايه يا زياد ابعد عني بقى. 
انتي اټجننتي يا ساره ابعد عن مين بصيلي هنا! 
ما كان منه الا ان يلفها بين يديه لينظر في عينيها التي تداريها تحت نظارتها الشمسية 
والذي تفاجئ وهو يجذبها من عليها بتلك الكدمه المتورمة اسفلها والتي كانت تداريها بالنظارة وبحجابها وببعض مساحيق التجميل
يا نهار اسود ايه اللي في وشك ده مين اللي عمل فيكي كده 
ابويا ارتحت ابعد عني بقى. 
بطلي هبل انتي بقى واقفي كلميني عدل ابوكي عمل فيكي كده ليه 
جلست علي الدرج من خلفها والدموع لمعت في عيناها وهي تكور يدها اسفل وجنتها. 
عشان عرف اللي بينا يا زياد واداني