الفصل الأول من رواية ما ذنب الحب الجزء الثاني لرواية ضحاېا الماضي لشهد الشورى

انا رجعت لأن كل لحظة بعيد عنك كانت بتقتلني وكل ما حاولت أهرب من اللي حسيت بيه لقيت نفسي أكتر غرقان في حبك
ثم تابع بحزن وندم 
أنا مش وحش يا جوري بعترف إني غلطان بس فوقت قبل فوات الأوان.....ده ميشفعش ليا في قلبك
ضحكت قائلة بعدم تصديق 
فوقت!!! طب صباح الخير يا بشمهندس صحيت متأخر
تنهد بحزن قائلا بۏجع 
طريقتك وكلامك بيوجعوا قلبي يا جوري بلاش كده....أنا غلطت وعارف اني ۏجعتك بس والله ما كان قصدي فوقت وكل اللي عايزه فرصة أخيرة نصلح بيها اللي بينا
لم تنظر له وتابعت عملها بيدين مرتجفتين وكأنما كل حركة منها كانت محاولة لتجاهل وجوده...عيونها المملوءة بالحزن خفقت بسرعة لكنها لم تسمح لدمعة اخرى أن تسقط منها كان قلبها يؤلمها لكنها أصرت على أن تبقى قوية أن لا تتركه يرى ضعفها من جديد
بينما هو يقف هناك تتعالى نبضات قلبه من الداخل وكأن كل كلمة خرجت منه لم تصل إليها كان يشعر بثقل الصمت الذي بينهما وبأن كل شيء بينهما قد تآكل فردد بتبرير و رجاء 
كنت غبي لما عملت كده وندل كمان بس فوقت ومقدرتش أخدعك وأكمل للآخر يا جوري
انحنى على ركبتيه أمامها وأدار كرسيها بقوة ليجبرها على النظر إليه ثم قال لها بتوسل 
كل اللي طالبه منك فرصة تانية مش كل واحد ليه فرصة تانية....أنا عارف إني غلطت بس إنتي الوحيدة اللي في قلبي ومقدرش أعيش من غيرك مستعد أعمل أي حاجة عشان أثبتلك إنني فعلا ندمان وأستاهل فرصة تانية والله بحبك يا جوري
ردت عليه أخيرا بنظرة ملؤها خيبة الأمل والۏجع تلك النظرة التي حاولت أن تخفيها وراء سكون ظاهر لكنها كانت تنبض پألم لا يمكن إنكاره كلماتها خرجت ببطء كما لو كانت تنقش كل حرف على قلبها 
وأنا بكرهك لدرجة كارهة نفسي... وقلبي اللي في يوم دق ليك كان نصيبه في الآخر إنك خدعته ومصونتش الحب اللي حبه ليك
أجفل قليلا أمام كلماتها وكأنها صاعقة نزلت عليه من السماء و
قال بصوت خاڤت 
أنا مش ببرر لنفسي يا جوري بس واحد غيري كان هيكمل في اللي بيعمله مكنش هيفكر فيكي أو يعترف لك بكل حاجة كنتي ساعتها بدل ما تكوني فاسخة خطوبتك هتبقي مطلقة
صمتت تكمل بدلا عنه بسخرية مريرة 
او متجوزة واحد في الأصل بيحب اختي !!
كاد أن يتحدث لكنها سبقته قائلة بتهكم 
لو كان بيالسماءطا وعايز مصلحتي مكنش دخلني في لعبة زي دي من الأول !!!
نطق اسمها بتوسل جوري
ردت عليه بجفاء يخالف كل ما بداخلها 
قولت لك طلبك مش موجود.....اتفضل امشي !!!
أمسك يدها حتى تنظر له لكنها نفضتها بعيدا عنها قائلة بحدة وڠضب 
إياك تتجرأ وتلمسني
اعتذر منها ثم اعتدل واقفا وكذلك هي فتوسلها قائلا علاقتنا تستاهل فرصة تانية يا جوري...لو ليا خاطر عندك سامحيني واديني فرصة أخيرة بس انتي بتحبيني !!!
نفت برأسها قائلة بسخرية 
قصدك أنت بتحب وحتى دي أنا مش واثقة منها
نظر إلى داخل عينيها بحزن قائلا 
بطلتي تحبيني !!
أومأت له بطلت
نفى برأسه غير مصدقا 
كدابة !!
حركت كتفها لأعلى بلا مبالاه قائلة 
مش مجبرة أخليك تصدق لأن الحقيقة إنك مش فارق معايا
ثم تابعت وهي تشير بيدها إلى الباب 
لو مش هتطلب حاجة اتفضل امشي ومتعطلنيش عن شغلي
في تلك اللحظة دخلت العاملة التي تساعدها في البيع قائلة بتساؤل 
أستاذة جوري في حاجة
نفت برأسها قائلة بسخرية 
وصلي الأستاذ للباب ملقاش طلبه هنا
دخلت جوان من الباب قائلة بحماس سرعان ما تبدد عندما رأت أكمل 
ايه رأيك في المفاجأة دي يا جوج.....انت !!!
نظرت له پغضب قائلة پصدمة 
بتعمل إيه هنا
تدخلت العاملة قائلة بجدية لأكمل 
اتفضل يا أستاذ
أوقفتها جوري قائلة 
خلاص روحي شوفي شغلك....هو لقى طلبه خلاص لأ وجاله لحد عنده كمان
جوان بحدة وڠضب 
جوري هو بيعمل إيه هنا
أشارت له جوري بيدها قائلة 
أهو عندك اسأليه
تنهد أكمل بحزن مغادرا المكان بأكمله لتسأل جوان جوري مرة أخرى بضيق 
جوري جاوبيني إيه اللي بيحصل هنا وده ايه اللي جابه عندك !!!
ردت جوري بحزن وهي تنظر إلى الباب إثر خروجه 
كان جاي فاكر إنه هيلاقي طلبه.....بس ملقهوش !!!!
.......
في منتصف اليوم بفيلا بدر الچارحي 
جلست غنوة أخيرا على المقعد تسترخي لدقائق قليلة قبل أن تعود لعملها المتواصل
عزمت على الاتصال بصديقتها المقربة والوحيدة حبيبة التي بمجرد أن رأت اسمها على شاشة هاتفها أجابت على الفور بنبرة لهفة وقلق 
طمنيني يا بت أحوالك إيه مرتاحة في شغلك
أجابتها غنوة وشعور بالراحة يعتريها 
الحمد لله والناس اللي بشتغل عندهم كويسين أوي
تنهدت حبيبة براحة قائلة 
طب الحمد لله...ابعتيلي العنوان في رسالة وسيبي تليفونك مفتوح علطول عشان أطمن عليكي من وقت للتاني
حاضر
ردت غنوة بهدوء ثم صمتت لحظات قبل أن تسأل بتوتر 
حبيبة هو....هو بابا مسألش عني !!
ترددت حبيبة قليلا لكنها قررت أن تخبرها 
ابوكي خد مراته وبناتها وسافر امبارح بلدكم بعد ما باع الشقة لجابر الجزار
أغمضت غنوة عينيها غارقة في مشاعر القهر منعت نفسها بصعوبة من البكاء خاصة في ظل وجود الخدم حولها
رددت حبيبة بحزن 
متزعليش نفسك يا غنوة بكرة يندم
ردت غنوة بسخرية مريرة.
او ميندمش مش فارقة خلاص
حاولت حبيبة أن تجد كلمات لتواسيها 
غنوة.....
لكنها قاطعتها قائلة باقتضاب 
انا هقفل ورايا شغل بينادوا عليا....هكلمك وقت تاني يا حبيبة سلميلي على خالتي واخواتك لحد ما أشوفكم...سلام
أغلقت الهاتف وعادت إلى عملها لكن ذهنها كان شاردا وقلبها محطما لقد تخلى عنها والدها
سافر وتركها وحدها دون ان يسأل عن حالها أو كيف تعيش
ردت باقتضاب على إحدى الخادمات التي طلبت منها تنظيف غرفة ما بالطابق العلوي ماشي.
تعمل كآلة تنظف الأتربة هنا وهناك وتغير شراشف الفراش كانت تمسك بيدها أحد التحف ذات اللون الأسود لتنظفها بينما عقلها يسترجع كلمات حبيبة وأفعال والدها وزوجته معها تشكلت طبقة شفافة من الدموع على عينيها ولم تشعر بدخول مروان إلى الغرفة ولا بصوته وهو ينادي عليها اقترب منها محركا إياها بطرف إصبعه قائلا بقلق 
يا آنسة
أفلتت قطعة الزينة من بين يديها بفزع لتدوي صوت تحطيمها في المكان تزامنا مع بكائها !!!
سألها مروان بقلق وهو يرى انتفاضة جسدها وعلو شهقاتها
اهدئي! بټعيطي ليه دلوقتي
لم تهدأ بل زاد الأمر سوءا تحول وجهها إلى اللون الأحمر والدموع تنساب من عينيها بغزارة حتى أغرقت وجهها لم يعرف ماذا يفعل عندما كانت تبكي شقيقته كان يجذبها إلى حضنه لكن غنوة ليست شقيقته
جذبها من يدها برفق حتى تجلس على طرف الفراش قائلا بقلق وصوت حنون دافيء 
اهدئي يا اسمك ايه انتي بټعيطي ليه حد ضايقك من اللي في البيت !!!
نفت برأسها ولا تزال تنتحب بقوة فسألها بحيرة 
طب مالك بټعيطي كده ليه بس....تعبانة !!
لم تجد ما تقوله فأشارت بيدها على حطام تلك الزينة قائلة بتلعثم من بين شهقاتها 
كسرتها ڠصب عني
توسعت حدقتاه بدهشة قائلا 
بقى المناحة دي كلها عشان دي اتكسرت
أومأت له بتوتر ولا تزال تبكي لم تكذب عليه فسبب من أسباب بكائها هو أنها ستخسر العمل الذي وجدته بعد بحث طويل بسبب كسر تلك التحفة التي بالتأكيد باهظة الثمن و لن تقدر على دفع ثمنها
ضړب كفا بالأخرى من الصدمة وضحك قائلا 
لا حول ولا قوة إلا بالله يا شيخة ده أنا قولت حد معذبها أو حصلت مصېبة
زفر بضيق