رواية عشق الزين (كاملة جميع الفصول) بقلم زيزي محمد

فهمت ان اي اتنين بيحبوا بعض حياتهم فيها مشاكل ..بس حبهم هايتغلب على مشاكلهم ...وانا وانتي هانقدر نتغلب على اي حاجة .
هنا يعني انت حسيت ان في حاجة من ناحيتي ليك.
آسر اه ...طيب ايه انا قولتلك بحبك وانتي مفيش اي رد .
هنا هتسمعوا مني اول ما دبلتك تبقى في ايدي .
اسر اتقلي براحتك يا هنا ..انا وراكي والزمن طويل .
مهاب قاعد سرحان مش مركز مع سارة وكلامها ..من يوم مقابلته مع مراد وهو بيتهرب من سارة خاېف يكون مراد قالها على خطته ...اسئلة كتير في دماغه ..ومخاۏف كتير جواه ...مهاب مالوش اخوات سارة الوحيدة اللي اخته مش هايستحمل تكرهه ..طيب يعمل ايه كانت ممكن ټموت كانت هاتبقى ضحېة شغل مراد ..انتبه اخيرا لكلامها .

سارة ياريت تفهم وجهة نظري..هنا مش غلطت يا مهاب .
مهاب بضيق انا فاهم وعارف ان هنا عمرها ماتعمل غلط ابدا دي بنتي وانا مربيها كويس ..بس الفكرة انها تسمح لحد انه
يتكلم عليها ..وخصوصا ان ده رئيسها في الشغل .
ساره محدش يقدر يتكلم على آسر وهنا ..وبعدين زين مربي عياله كويس اوي ..وآسر محترم جدا وكفاية انه لما اعترفلها بحبه ...قالها انه هايتجوزها على طول متعقدش انت الامور .
مهاب طيب يا سارة .. انا هاعديها المرادي لغاية ما نشوف هايتقدم امتى !.
سارة بتنهيدة على فكرة قراية فاتحة كاميليا يوم الجمعة .
مهاب على مين .
سارة بابتسامة على ادهم ..اخو آسر ...هاتبقى في بيت مراد .
مهاب بتوتر هو اللي قالك .
سارة بحزن لأ...هو مبيكلمنيش .. كاميليا اللي حكتلي وكتر خيره قالها تخليني احضر .
مهاب معلش يا سارة ...كلها فترة وهاتعدي وترجعوا لبعض.
سارة لا هي مش فترة..انا هافضل كدة يا مهاب ..انا اللي حكمت على نفسي زمان واهو اديني بحصد نتيجة عمايلي ...بقولك انا هارجع بيت ابويا .
مهاب قام من مكانه قعد جنبها تمشي تروحي فين ...انتي مش هاتتحركي من هنا ..دا بيتك قبل ما يكون بيت اخوكي .
سارة تسلم يا مهاب ..بس حقيقي انا نفسي ارجع بيت بابا هاحس فيه بالراحة وكمان عاوزة أقلم نفسي على الوحدة ..بكرة كاميليا تتجوز وتسيبني .
مهاب وانا فين ... انتى ناسية ان حضرتك اختي ...ومفيش اخ بيسيب اخته .
سارة بدموع ربنا يخليك ليا يا مهاب .
مهاب اخدها في حضنه انا اتحرمت ان يكون ليا اخ او اخت بس حقيقي ربنا عوضني بيكي .
سارة عيطت ...كان نفسها حد ياخدها في حضنه ويطبطب عليها محدش حاسس بالضغط النفسي الرهيب اللي هيا بتعيشه محدش حاسس بيها محدش قادر يقف جنبها ... مهاب سأل نفسه ليه مراد مقالش لسارة انه السبب في اللي حصل وسارة ومراد هايفضلوا كدا.. اخته هاتفضل بالحزن دا .. وياترى لو عرفت انه السبب هاتعمل فيه ايه .
تاني يوم .
في شركة الچارحي .
حازم ليان جهزي نفسك ..هانطلع نعاين ارض هانعمل عليها ملجأ .
ليان اوك يا بشمهندس .
حازم اخد ليان وراحو الارض اللي هايتعمل عليها الملجأ وبدا حازم يشرح لليان الشغل بحرفية شديدة وهيا كانت منتبهة لكل كلمة لدرجة انها مشافتش الطوب المتكسر واتكعبلت لولا ايد حازم اللي انقذتها بسرعة .
ليان حست بالاحراج اسفه يا بشمهندس ماخدتش بالي .
حازم بابتسامة عادي يا ليان ..على فكرة انتي متحفظة جدا معايا ..انتي زي اختي والله ... دا من كتر حبي في اسمك هاسمي بنتي اللي جاية على اسمك .
ليان ههههه اسم ليان حلو انا بحب اسمي جدا بحسه محدش ..
ليان كانت بتتكلم ولفت انتباها عربية عمر ....
ليان ثواني يا بشمهندس بس .. هاروح اشوف قريبي واجاي .
حازم اوك .
ليان راحت لعمر عند عربيته وخبطت على الازاز لغاية ما فتح وكان لابس نضارة شمس يداري بيها العلامة الزرقة اللي جنب عينه .
ليان انت بتعمل ايه هنا يا ع..احم يا ابيه .
عمر مبعملش ...آسر قالي انه بعت اتنين مهندسين يشوفوا الارض اللي هايتعمل عليها الملجأ .
ليان طب وانت مالك بالملجأ .
عمر انا اللي هابنيه ... دا هايبقا اسمه الفيروز .
ليان بحزن على اسم طنط فيروز ... الله يرحمها .
عمر مين دا .
ليان دا حازم ...انا بدرب معاه .
عمر بضيق طب قوليله انك هاتروحي وتعالي يالا اروحك .
ليان كانت هاتوافق بس رجعت في كلامها وقررت تضايقه لأ يا ابيه روح انت ..انا هاروح انا بالعربيه بتاعتي . عن اذنك .
ليان مشيت ...وعمر اضايق منها ..فكر انه يتكلم مع مراد ..بس مراد تقريبا مبيكلموش من اخر موقف ملقاش حد غير زين ..قرر انه يروحله ويتكلم معاه ...وصل الشركة واخد نفس طويل ودخل الشركة .
كاميليا بتتكلم في التليفون مع ادهم بهمس وانت فين دلوقتي .
ادهم بضيق في الشغل ...هو احنا هانفضل كدا كتير ..انا خلاص جاي اخطبك يوم الجمعة ..ابوكي دا رخم .. انا مش فاهم وجهة نظره اصلا اننا منتكلمش قبل قراية الفاتحة .
كاميليا متقولش عليه كدا ... بس كل الحكاية انه اتحرم انه يعيش دور الاب سنين وانا لازم اكون مستوعبة اي حاجة بيعملها .
ادهم اه فبيطلعه عليا انا ... انا ناقص .. منا محروم سنين زيه .
كاميليا بدلع بجد يا ادهم انت كنت بتتمنى انك تشوفني .
ادهم يالهوي انتي جاية تتدلعي عليا في التليفون .. اهدي شوية .
كاميليا بضحك مااش..
مراد فتح باب الاوضة فاجأة بتكلمي مين يا كاميليا .
كاميليا قفلت في وش ادهم م..ماما .
مراد ماما!!! ..طيب لو سمعتكوا بتتكلموا تاني في التليفون ومحترمتيش كلامي يا كاميليا اعملي في حسابك مفيش خطوبة .
كاميليا حضرتك بتعمل معايا ليه كدا .
مراد بعمل ايه ...انا ابوكي ...اعمل اللي انا عاوزه ..لما كنتي في الساحل تصرفتي وكأن مفيش رادع ليكي .. تصرفتي وخرجتي ومعرفتيش ولا ابوكي وامك.
كاميليا بابا انا اعتذرت وقولتلك مش هاتتكرر تاني . 
مراد طيب ..واللي اقوله بعد كدا يتنفذ.
في شركة الچارحي .
زين ايه ياعمر بقالك ساعة قاعد وبتشرب في القهوة وساكت .
عمر بتوتر احم ..انا اسف لو كنت عطلت حضرتك .
زين يابني مفيش عطلة ولا حاجة ....مالك. 
عمر حضرتك انا في خلاف بيني وبين مراد الايام دي بسبب غلطة انا غلطتها .
زين خلاف!!.
عمر اخد نفس طويل اتمنى انك تتفهمني ومتحكمش عليا بسرعة زي مراد .
زين انا مش هاقعد كتير في الغاز يا عمر.
عمر انا بحب ليان ..بحبها من صغرها بس لما دخلت بيتكو وشوفتكو بتعاملوني كاني ابنكو استغبيت نفسي جدا وحاولت ابطل احبها .. بس حقيقي مش قادر كل يوم بتكبر قدام عيني .. كل يوم بټعذب في حبها .. كنت خاېف تعرفوا ان بحبها تقولوا عليا خاېن العشرة بدخل بيتكو وببص على اهله مع اني والله عمري ما كنت كدا انا بس حبيتها ڠصب والله كله ڠصب .. لما والدتي ماټت واتاثرت بسبب فقدانها فكرت انه لأ انا مش هاتجوز ولا اعلق واحدة بيا ويجي المۏت يفرقنا... خفت احبها ويجي المۏت يفرقنا زي مراد كدا ومراته وكمان امي .. ابويا بيتعذب في بعدها .. وكمان انا كبير عنها وهي صغيرة اسباب كتيرة خلتني محتفظ بحبها في قلبي انا بعترف ان عملت حاجة غلط لما قررت ان ابعتلها رسايل من رقم غريب .. بس كنت حاسس ان لو مقولتش ان بحبها هاموت .. مراد شاف الرسايل على تليفوني والصراحة سمعني كل الكلام اللي كنت خاېف اسمعه في يوم من الايام .
زين بهدوء طيب وانت جاي تقولي الكلام دا ليه .
عمر انا مخڼوق مش مستحمل صاحبي يفكر فيا كدة وفي نفس الوقت والله بحبها بس ڠصب عني .
زين لو على مراد ف دا رد فعل طبيعي له .. انت لو كنت جتله وقولتله انا بحب اختك وعاوز اتجوزها كان هايفرح لانك اعز صاحب له ... متزعلش مني يا عمر انت كنت خاېف اننا نقول عليك خاېن العشرة او بتبص على اهل البيت بس بتصرفك دا خلتنا نقول كدا ... وبعدين يابني
المۏت علينا حق انا ممكن في اللحظة اللي انا قاعد معاك فيها اموت .. دي كلها اوهام وهواجس شيلها من دماغك علشان ترتاح .
عمر بتفكير يعني لو قولتلك انا طالب ايد ليان حضرتك هاتوافق .
زين قام من مكانه وراحله ومش اوافق ليه . انت راجل يعتمد عليك وانا بحبك زي ولادي وانا متاكد انك هتحافظ عليها .
عمر من فرحته اخد زين بالحضن متشكر اوي .. بجد متشكر .
زين خليك جرئ في حبك ..وزي ما قولت لمراد هاقولك يا عمر بطلو تسيطرو على مشاعركو .
عمر اجيب والدي واجاي اتقدم امتى .
زين لا دي نرتبها لان ادهم هايخطب يوم الجمعة وكمان بعده آسر ... منا كنت قاعد قدامكو جاين تخطبو مع بعض 
عمر انا بقى خليني بين ادهم وآسر .
زين بابتسامة مستعجل انت.
عمر انا عايش سنين بحلم بالخطوة دي. 
زين بضحك خلاص هاستناك يوم السبت .
مساءا في بيت الچارحي
زين بټعيطي ليه يا ليليان .
ليليان بدموع يعني خلاص ليان كبرت وهاتتجوز وتسيبني .
زين انا مش فاهم حاجة بردو بټعيطي ليه يا حبيبتي .
ليليان دي دموع الفرح .
زين دموع فرح !!! ... ياحبيبتي في حد يفرح يعيط .
ليليان مش عارفة يا زين حسيت قلبي اتخطف كدا لما قولت ان عمر متقدم ليها .
زين بضحك سلامة قلبك من الخطڤ يا روحي .. قوليلي في اي اعتراض على عمر .
ليليان مسحت دموعها لأ طبعا .. بعد كل اللي حكتهولي انا اتاكدت انه بيحبها ... انا متاكدة انه هايقدر يحافظ عليها.
زين طيب كويس بما ان مفيش اعتراض منك .. روحي بقى قوليلها وخدي رايها ...وتعالي بسرعة علشان انتي واحشاني مۏت .
ليليان ابتسمت عمرك ما تتغير .
ليليان راحت لليان لقاتها بتلعب في تليفونها وليان اول ما شافتها اتوترت وقفلت التليفون .
ليليان بشك في ايه يا ليان ... قفلتي تليفونك ليه .
ليان بارتباك م..مفيش .
ليليان افتحي التليفون دا يا ليان .
ليان اتوترت وفتحت تليفون وعطته لليليان وليليان بصت فيه لقتها فاتحة اكونت عمر على الفيس بتابع المنشور الي نزله انه اسعد انسان في الدنيا ... ليليان ابتسمت .
ليليان انتي عارفة ليه بيقول كدا .
ليان ليه .
ليليان لان عمر اتقدم لبابكي انهاردة .
ليان مش فاهمة .
ليليان عمر عاوز يتجوزك .
ليان پصدمة انا .
ليليان اه انتي ...اوع كدا قعديني جنبك احكيلك قال لبابكي ايه .
عند مراد وميرا .
مراد بيتكلم مع عمر في التليفون والله لابهدلك يوم السبت وهاطلع عينك يا عمر.
عمر بضحك قلبك ابيض بقا .
مراد