مظلومه
المحتويات
الست دى علاقتها بيك ايه
عمر جرى ايه يا منى انتى شوفتينى كلمتها ولا هى اللى جاية تلقح بلاها علينا
منىبس دى قالت اسمك يعنى تعرفك
عمر وافرضى احنا مش اتفقنا ان كل اللى فات ننساه ونبدأ صفحة جديدة
زمت منى شفتيها بضيق وسكتت
اما نيرمين فظلت تنظر الى سيف الذى تغير وجهه منذ ان رأى تلك المرأة ولم يرفع بصره اليها
لمحت نيرمين تلك المرأة وهى تتجه الى الحمام فمالت على سيف وقالت بصوت منخفضانا رايحة الحمام
سمعتها منى فقالتخدينى معاكى
ذهبتا الى الحمام بينما نظر عمر الى سيف قائلاهى نيرمين متعرفش حاجة عن الموضوع ده ولا ايه
تنهد سيف بضيق وهو ينظر اليه ثم نظر الى الجهة الاخرى وهو قاطبا وجهه
وصلت منى ونيرمين الى الحمام فوقفت كل واحدة امام مرآة اعلى الحوض فغسلت نيرمين يديها ثم نثرت القليل من الماء على وجهها بعد ثوانى خرجت تلك المرأة من التواليت ووقفت امام مرآة واخذت تسوى شعرها ثم اخرجت احمر شفاه ووضعته على شفتيها وبعدما انتهت نظرت الى نيرمين ومنى وهى تبتسم باستخفاف
نيرمين ثانية واحدة يا منى ثم نظرت الى المرأة قائلةممكن اسأل حضرتك سؤال
المرأةاتفضلى
نيرمين انتى تعرفى سيف منين
المرأةشكلك كده خطيبته واضح من غيرتك عليه
نيرمين من فضلك ردى على سؤالى
تنهدت المرأة وقالتاتعرفت عليه فى يوم من الايام بس من فترة طويلة يجيلها كده سنتين وقضينا يوم جميل مع بعض بس هو يوم واحد وبعد كده مشوفتوش تانى بس لسة معلق فى دماغى لحد دلوقت
المرأةلا عمر ده بقى كنت بشوفه كتير بس طبعا مكنش بستمر مع واحدة زى ماتقولى كده بيحب التغيير
تنهدت منى بضيق ولوت شفتيها وهى تهز راسها
اهتمت نيرمين بالامر وتعجبت مما قالته فعمر من الممكن ان تصدق عليه ذلك لكن سيف !!
كيف ذلك
نيرمين ممكن تقوليلى قضيتى معاه اليوم ده ازاى
نيرمين يعنى ايه يوم وخلاص ارجوكى اتكلمى
منىخلاص بقى يا نيرمين بتقولك من سنتين يعنى قبل مايعرفك
تجاهلت نيرمين كلام منى وقالت للمرأةارجوكى قولى قضى اليوم معاكى ازاى
المرأةمن الآخر كده
نام معايا
نيرمين وهى لاتصدق ماسمعتهنام معاكى يعنى ايه
ضحكت المرأة باستهزاء قائلةودى عايزة مفهومية زى اى راجل مابينام مع واحدة ايه صعبة دى
نظرت منى اليها وهى تقولمتصدقيهاش يا نيرمين
دى اكيد عايزة توقع بينك وبينه
المرأةلأ يا آنسة انا مش عايزة اوقع بينهم ولا حاجة اهو عندك اسأليه هى سألتنى وانا بجاوبها باللى حصل مع انى مكونتش عايزة اقول حاجة بس هى اللى سألت
منى لنيرمين خلاص يا نيرمين اكيد دى كانت نزوة وعدت غلطة واحدة يعنى وده قبل ما يعرفك يعنى متحاسبيهوش على حاجة عملها قبل ما يعرفك
وبعدين ما انتى عندك عمر اهو الماضى بتاعه اسخم مېت مرة من سيف ومع ذلك سامحته علشان بحبه
نيرمين وهى تبكىاسكتى انتى يا منى على الاقل خطيبك حكالك كل حاجة وطلب منك تسامحيه الدور والباقى على اللى خبى عليا حاجة زى دى وياعالم مخبى عنى ايه تانى
المرأةعلى العموم يا جماعة انا اسفة ان كنت ضايقتكوا بس انتوا اللى سألتونى
عن اذنكوا
انصرفت المرأة وعيون منى تتبعها وهى تقولروحى يا شيخة منك لله
طبطبت منى على نيرمين وهى تقولعلشان خاطرى يا نيرمين بلاش تعملى مشاكل وتعقدى الامور بينكوا اللى حصل حصل وانتى سامحتيه على حاجات كتير اوى كملى جميلك بقى وسامحيه على دى
تنهدت نيرمين پألم وقالتالمشكلة انى مبقتش اثق فيه وكده دماغى هتودى وتجيب وهفضل اقول اكيد عرف غيرها كتير
واللى يعمل كده مرة ممكن يعمل تانى وتالت
منىلأ طبعا ده شيطان عايز يفسد الحب اللى بينكوا استعيذى بالله من الشيطان الرجيم ومتفكريش فى حاجة غير فى مستقبلكوا وارمى الماضى ورا ضهرك وياريت متفاتحيهوش فى حاجة وتحسسيه انه صغير قدامك لانه مامنوش فايدة
خلاص يا نيرمين
مسحت نيرمين دموعها وهى تقولخلاص يا منى
انا هعمل نفسى مسمعتش حاجة بس يارب مكتشفش حاجة تانية مخبيها عليا
منىطب يالا بينا نروحلهم بقى زمانهم استغيبونا وياريت تفردى وشك علشلن محدش فيهم يحس بحاجة
خرجت منى ونيرمين وتوجهتا الى عمر وسيف
اخرج عمر الحساب ووضعه على الطاولة وقام هو وسيف عندما لمحا منى ونيرمين قادمتين
نظر سيف الى نيرمين والتى كان ظاهرا عليها الحزن فقالمالك يا نيرمين انتى تعبانة
نيرمين وهى تحاول ان تبتسمانا كويسة متقلقش
خرجوا من المطعم وسلم عمر على سيف ومنى على نيرمين واستقل كل منهم سيارته وانطلقوا بها
نظر سيف الى نيرمين وهو يقود السيارة فوجد نيرمين ساكتة وهى تنظر امامها بوجه قاطب فقال
مالك يا نيرمين انا حاسس انك زعلانة من حاجة
نظرت اليه نيرمين بوجه جاد وقالتمافيش انا بس تعبانة شوية
يمكن لما اروح وانام هبقى كويسة
سيف لأ الف سلامة عليكى
لو تعبانة اوى ممكن نروح للدكتور
نيرمين الموضوع مش مستاهل
قولتلك لما انام هبقى كويسة
............................
اما عمر فلاحظ تغير وجه نيرمين بعد خروجها مع منى فقال لمنى اثناء قيادته السيارةانا حاسس ان نيرمين مكنتش مبسوطة وهى خارجة معاكى زى ماتكون زعلانة من حاجة
منىومالك مركز معاها اوى كده ليه
عمر انا مش مركز ولا حاجة شكلها كان باين من غير اى حاجة
منىبس انا حاسة انك مهتم بيها بزيادة وطول السهرة ضحك وهزار حتى اول ما شوفتها سلمت عليها بايدك وساعتها لاحظت ان سيف اضايق
عمر متبقيش عبيطة نيرمين دى اختى
منىياسلام يعنى عايز تفهمنى انك شيلتها من قلبك خالص ومعونتش بتفكر فيها
اوقف عمر السيارة فجأة معترضا على تلك الجملة ثم قال بجديةمنى بجد انا كده هبدأ ازعل منك
صحيح انا زمان كان عينى منها وغلطت غلطة كبيرة لما حاولت افرق بينها وبين سيف بس زمان حاجة ودلوقت حاجة تانية
لانى دلوقت مبقتش اشوفها غير اخت
اخت وبس وربنا عوضنى بيكى وبقيت بحبك ومبقتش شايف غيرك فياريت تبطلى الشك اللى جواكى ده
وبعدين علشان ترتاحى نيرمين طلعت متجوزليش يعنى زيها زى ندى بالظبط يعنى حبى ليها زى حبى لندى فهمتى
منى باهتماماستنى استنى استنى
ممكن بقى تفهمنى يعنى ايه متجوزلكش
عمر يعى شرعا مينفعش اتجوزها
منىافهمها دى
عمر انا بعد ما اتولدت امى الله يرحمها كان عندها مشكلة خاصة بالرضاعة وساعتها دادة كانت ام لمولود جديد يعنى كان ينفع تقوم هى بالمهمة دى فامى طلبت منها انها تحل محلها فى مسألة الرضاعة علشان تعوضنى عن الرضاعة من امى
يعنى دادة امى فى الرضاعة وده معناه طبعا ان نيرمين اختى فى الرضاعة يعنى متجوزليش فهمتى
منىطب تيجى ازاى وانت اكبر منها بيجى اكتر من اربع سنين
عمر دادة خلفت مولود قبل نيرمين بخمس سنين لكن للاسف ماټ بعد ولادته على طول ونيرمين كانت المولود التانى
ولان دادة كان عندها مشكلة بسبب الحمل الاولانى اتأخرت على ماجابت نيرمين
يارب تكونى ارتحتى دلوقت
منىطب انت عملت اللى عملته معاها وانت عارف كده
عمر لأ طبعا انا اساسا معرفش ان نيرمين بنت دادة الا بعد ماخرجت من السچن واكيد لو كنت اعرف مكونتش عملت كده
منىآه صحيح معلش اعذرنى
تنهد بضيق وهو ينظر امامه ولم ينظر اليها
منىانت زعلت منى ولا ايهانا مكنش قصدى انى ازعلك
عمر بحزنواضح يا منى انك هتفضلى تشكى فيا بسبب الماضى اللى حكتهولك
منى بحزنلأ ياعمر متقولش كده انا لو بشك فيك مكونتش وافقت اتجوزك
وان كنت زعلت منى علشان اللى قولتهولك عن نيرمين فانا قولته علشان حسيت ان سيف اضايق لما سلمت عليها بس مش اكتر
عمر مادام زعل يبقى اكيد نيرمين مقالتلوش
وانا متأكد انه لو عرف مش هيضايق بعد كده لان نيرمين بقت زى ندى وينفع اسلم عليها واكلمهاواهزر معاها عادى
منىمعنى كده ان نيرمين عارفة
عمر طبعا اومال سلمت عليا ازاى
ابتسمت منى وقالتطب انت لسة زعلان
عمر بابتسامة خفيفةلأ خلاص
منىكنت عارفة ان قلبك ابيض
يلا بينا بقى انت موقف العربية بقالك ساعة
ابتسم عمر وهو يدير محرك السيارة ثم انطلق بها
..................................................
قررت نيرمين ألا تفاتح سيف بامر تلك المرأة التى اقام معها علاقة فى الماضى وانها ستحاول اجتياز هذا الامر
فضغطت على نفسها بان تنسى ما سمعته وان تبدأ معه صفحة جديدة بدون عتاب فيما مضى
جاءت نادية اخت دادة فاطمة لتحضر حفل زفاف ابنة اختها ولتقيم عدة ايام بجانب اختها حتى تنتهى من اجراء العملية كما عادت ندى وزوجها لكى يحضرا حفل زفاف عمر
وهكذا مرت الليلتان المتبقيتان على حفل الزواج
ليأتى ذلك اليوم الموعود وقد تجهزت الحفلة باعلى الامكانيات
لتصبح حديقة القصر كأفخم قاعة مفتوحة تشع منها الانوار المتغيرة والزينة واصبحت الاشجار تحيط بها انوار الزينة الراقية
ورصت الطاولات التى سيجلس على المدعوون وقد فرشت بمفارش من الستان المزين وبمنتصف كل طاولة باقة من اجمل الورود وتجهزت المنصة الواسعة التى سيجلس عليها العروس وقد اسدل على هيكلها اقمشة كطرحة فستان العروس فى بياضها ورقتها وتشكلت بطريقة ملفتة لدرجة ټخطف الابصار وكانت المنصة تعلو الارض بثلاث درجات فقط حتى تعطى مظهرا انيقا وجذابا
كانت الحفلة كاسطورة تحدث عنها الجميع من اصغر تجهيزات فيها الى اكبر ماتم تجهيزه وصدق سيف حين قال انه سيكون ابهى حفل سيتحدث عنه الجميع
.......................................................
الفصل الخامس والستون
تم كتب الكتاب بعد ظهر اليوم الذى سيقام فيه حفل الزفاف ليصبح كل شئ جاهزا
وبحلول الليل عجت الطاولات بالمدعوون من شتى العائلات الراقية الصديقة لعائلة عمر وسيف وايضا باقاربهم واقارب العروستين كما حضر العازفون والمطربون المحترفين فى الغناء باللغتين العربية والانجليزية
فى البداية كان العازفون يعدون آلاتهم والمطربين يجهزون كل شئ حتى يزاولوا عملهم بمجرد وصول العروسين
فكانت اصوات المدعوون هى الظاهرة بصورة واضحة فكل منهم يتحدث على طاولته مع من حوله وكانت الخادمات تطوف عليهم بقطع الحلوى والكيك والمشروبات المختلفة ريثما يتجهز البوفيه المفتوح الذى أعد فيه اشهى والذ الوجبات من شتى الاصناف
اما سيف وعمر فقد تجهزا تماما للحفل بعد اخذ حمامهما ووضع برفانهما المفضل
بغزارة كما قام كل منهم بتمشيط شعره كل حسب طبيعة شعره وملامحه
فسيف شعره بنى طويل بعض الشئ لامع اذا حرك الهواء خصلات شعره
نزلت بعض الخصلات على حاجبيه من نعومته
اما عمر فشعره اسود لامع متوسط الطول
تبدو نعومة شعره من مرونته فى الحركة عندما يتحرك او ينفعل او يحركه الهواء
كسيف تماما ولكن الاختلاف فى لونه وطوله
وبالمقابل كانت منى ونيرمين تحت ايادى خبيرات التجميل اللاتى يعملن فى اضخم بيوتى سنتر متخصص فى تجهيز العرائس عن طريق
برنامج للعناية بالبشرة ونضارتها باستخدام ماسكات منظفة وموازنة للبشرة
ماسكات تفتيح وتوحيد لون البشرة تنظيف بالبخار وأحدث الماسكات المناسبة لجميع أنواع البشرة و برنامج للعناية بالشعر وتغذيته وإعطائه رائحة عطرة وملمس ناعم وصحي بجانب برنامج اختياري للعناية بالجسم حمام مغربي بالاعشاب حمام ملكي حمام الاميرات وعمل اسكرب للجسم
متابعة القراءة
