جوزي
المحتويات
وفضلت ټعيط اووي قربت منها اميره وحضنتها وقالتلها..
اميره
انا مش عارفه اقولك ايه بجد. بس عشان خاطر بناتك ما يطلعوش معقدين بسبب همجية ابوهم معاكي فكري في موضوع المحاميه تاني..
_ سكتت سميره وما ردتش عليها وفي نفس اليوم بالليل كان راجع ياسين من الشغل وقابلته واحده جارتهم طالعه هي وابنهم الاسانسير وقالتله بهدوء..
السلام عليكم يا استاذ ياسين..
ياسين بصلها وقال
الحمد لله يا ام اسر انتي عامله ايه..
جهاد
بخير الحمد لله اتفضل عشان نطلع كلنا في الاسانسير..
_ طلع معاها في الاسانسير وبصلها بخبث وبعد ما وصلو الدور بتاعهم طلعت جهاد وبصتله بقرف وقالت..
جهاد
تصدق انك راجل مش محترم وقليل ربايه وانا لولا الفضايح كنت فرجت عليك العماره كلها..
هو ايه انا مش عاجبك ولا ايه هو انتي مش جوزك الله يرحمه برضو انا بحل مكانه اهو..
اتعصبت جهاد وقالت
يا راجل يا ناقص ده انا ابني العيل الصغير واقف جنبي بس اقول ايه انت لا عندك نخوه ولا رجوله ولا ضمير ولا دين وقلة الكلام معاك انت واللي زيك احسن حسبي الله ونعم الوكيل..
ياسين بغيظ
يا حجه اسكتي خلاص انتي اللي وش فقر...
ياسين
ايه اللي انتي لابسااه ده ما تطلعي يا اختي تشوفي النسوان بره لابسه ايه وعامله ازاي..
سميره بهدوء
ما انا طول عمري بلبس كده يا ياسين ايه اللي اتغير بس..
ياسين
زهقت منك ومن شكلك اتغيري شويه وفي الاخر تلموني لما ابص بره روحي جهزيلي العشا لحد ما اغير هدومي..
سميره
انت شايف اهو يارب انا ما بقصرش معاه في حاجه بس انا تعبت منه والله ومش قادره اتحمل اكتر من كده..
_ وجهزتله العشا وفضلت قااعده معاه لحد ما نام وبعدين قامت من جنبيه وراحت تشوف بناتها اللي كانو نايمين وبصتلهم وهما نايمين وعيونها اتملو دموع وقالت بصوت واطي..
يعلم ربنا يا حبايبي اني بتحمل مع ابوكم اللي ما حدش يتحمله ابدا بس عشانكم وعشان ما تحتاجوش لحد لانه بيصرف عليكم وبيحبكم وانا مش عايزه احرمكم منه..
_قالت كلامها وطلعت من اوضتهم وراحت اوضتها ونامت جنبيه وهي مش طيقااه ولا طايقه نفسه حتي جنبيها.. بس هي اللي اختارت تسكت وتكتم جواها وتتحمل..
_ وتاني يوم الصبح كانت سميره قاعده بتفطر هي وجوزها وبناتها والباب خبط جامد قاام ياسين وقال..
ده مين قليل الذوق ده اللي بيخبط بالشكل ده انا هروح افتح..
وراح فتح الباب وكان محمد صاحبه ومعاه مراته اميره اللي دخلت وقالت...
اميره
كويس انك لسه هنا يا اللي عامل فيها شيخ جامع اانت..
ياسين
في ايه يا مدام اميره ما تتكلمي كويس ما تشوف مراتك يا محمد..
محمد
معلش يا ياسين هي ما تقصدش تعالي يا اميره والله العظيم ما ينفع اللي انتي بتعمليه ده..
اميره قفلت الباب وقالت
كده نتكلم من غير ما حد يسمعنا ايه بقي يا استاذ يا محترم اللي انت عملته في جهاد ده..
جات سميره من جوه وقالت
جهاد مالها جهاد وايه اللي حصل..
ياسين بتوتر
اا انا عارف صحبتك بتخرف وجايه تعمل مشكله وخلاص..
اميره پغضب
جوزك اللي انتي محافظه علي بيته وكرامته وشكله حاول يعمل حاجه زفت مع جهاد امبارح في الاسانسير وقدام ابنها الصغير والبنت جات اشتكت لمحمد عشان يقوله يلم نفسه وما بعملش كده تاني...
بصتله سميره پصدمه وهو قال
دي بنت كدااابه انا اصلا
متابعة القراءة
