اصقلها شيطان كامله

ودا حساب الراجل ده ومراته لسه في تلاتة محسبوش لأنهم
مخلصوش 
أخذت أم مراد منها النقود ووضعتهم في جيبها قائلة
تمام أقعدي بقى يا حبيبتي أتهوي شوية وكلي ليك سندوتش وأشربيلك حاجة ساقعة ولا سخنة وانا اللي هودي المشاريب لو حد طلب تاني
أومأت لها الفتاة ووقفت تدور بعينيها بعشوائية في محيط المكان فوقعت عينيها على ذلك الرجل الجالس أمامها ينظر لها بقوة وصمت فهوى قلبها في قدميها وهى تنطق أسمه بهمس 
هارون 
قرأ هارون شفتيها وتأكد من ظنه فمن تقف أمامه هى بشحمها ولحمها زوجته المفقودة وقفت سدرة متخشبة في مكانها بعدما شلت الصدمة حواسها أقتربت منها أم مراد تهزها كي تنتبه لها 

أي يا سوسو مالك مبترديش عليا ليه 
ثم نظرت أم مراد حيث تنظر سدرة لهارون فسألتها 
مين دا يا سدرة تعرفيه 
بقى كل من سدرة وهارون صامتين لا يريان الإ بعضهما وكأن الزمن توقف من حولهما فصاح حمدي الذي جاء لتوه ينادي على سدرة پصدمة 
سدرة مش معقول أنت هنا وأحنا قلبنا عليك الدنيا في القاهرة كان عنده حق هارون لما قال أنه أحساسه بيك ديما أنك عايشة ومموتيش 
أنهمرت العبرات من عيني سدرة وأستدارت تغادر المكان فكانت يد هارون أسرع من قرارها وأمسكت بها تسحبها ناحيته صاح حمدي پصدمة مرة أخرى فور رؤيته لأم مراد 
طنط نبيلة! 
فصاحت فيه أم مراد پغضب 
أنت أيه اللي جابك ورايا لهنا أنت أيه مش عندك ډم ولا غبي مفهمتش كلامي تلاقيها هى اللي بعتتك ليا تحايلني فاكرة أني هسامحها بس دا بعدها وبعدك 
أقترب حمدي منها يوضح لها أن قدومه لهنا هو محض صدفة لا أكثر بينما وقف هارون متشبثا بيدي سدرة ينظر لها وقلوبهما تقرع بقوة وكأنها طبول حرب مد هارون يده يزيل عبراتها برفق فأبعدت سدرة وجهها عنه وحاولت أفلات يدها منه لكن يده كانت ققيد أغلق عليها حتى كاد يدمي معصمها فنظرت له وطالبته بتركها 
سيب إيدي يا هارون 
فما كان منه إلا أن ضمھا بقوة يستنشق عبير وجودها مرة أخرى وهو لا يكاد يصدق نفسه فمازال يشعر أنه داخل حلم جميل 
أنت موجود بجد ولا دا حلم قولي أنه مش حلم يا حبيبتي قولي أنه مش حلم يا سدرة 
لأ مش حلم يا هارون دا كابوس وكابوس أسود كمان انا مصدقت خلصت منك رجعت تاني ليه رجعت عشان تعذبني وتتهمني بالخېانة ولا عشان تعرفني أني مليش قيمة عندك وعادي عدوك يخطفني ويموتني كمان 
هز هارون رأسه وعيناه تلمعان بالندم 
لأ يا سدرة لأ يا حبيبتي تعالي معايا وانا هفهمك كل حاجة 
أشارت له سدرة محذرة 
أوعى تقرب مني فاهم انا ولا عايزة أعرف حاجة ولا حتى أفهم منك أنت بالذات حاجة كل اللي عايزاه أني أفضل في الحياة اللي أختارتها بأرادتي ولاقيت فيها نفسي وذاتي 
وقف بعض الناس من المارة وكذلك حمدي وأم مراد يشاهدون ما يحدث بصمت وقد تعجبت الأخيرة مما يدور أمامها ومن ذلك الرجل الذي تصرخ عليه سدرة وتعنفه ومن أين تعرفه فأقتربت منها تضمها برفق 
أهدي يا سدرة أهدي يا حبيبتي متعمليش في نفسك كدا 
أبتعدت عنها سدرة وتركت المكان تركض بعيدا فلحق بها هارون حاولت أم مراد منعه وأمسكت يده بقوة 
ياريت تسبها في حالها يا جدع أنت وأديك شايف أنها مش عايزاك وكرهه وجودك 
نظر لها هارون پغضب ثم أبعد يدها برفق 
أنت مش عارفة حاجة ولا فاهمة أيه اللي حصل سبيني انا لازم ألحقها 
حاولت الأعتراض واللحاق به لتمنعه فوجدت حمدي يقف في وجهها يشير لها أن تتأنى 
استني يا طنط انا هفهمك كل حاجة 
صاحت به أم مراد 
أبعد عن وشي
أنت كمان 
هز حمدي رأسه برفض وأصر على منعها 
مټخافيش على سدرة من هارون لأنه يبقى جوزها وعمره ما هيأذيها دا بيحبها وبيعشقها وبيدور عليها بقاله سنة 
أتسعت عين أم مراد متعجبة ونطقت بخفوت 
جوزها! سدرة مقلتش ليا أنها متجوزة انا كنت فكراها بنت 
نظرت لحمدي تسأله 
وليه هربت منه المدة دي كلها 
أشار لها حمدي على مقعدين بجوارهم 
ممكن تتفضلي هنا وهحكيلك كل حاجة 
نظرت له أم مراد بضيق فهى ترتاب في أمره منذ أن جاء برفقة أبنتها الهاربة صابحا لطلب عفوها والسماح عنها لكنها مضطرة لسماعه حتى تعلم ما في الأمر وجلست وجلس حمدي بجوارها وبدأ يقص عليها ما حدث خلال الفترة الماضية وسرد كذلك قصة تعارفه بأبنتها إلى أن جاء بها لهنا 
لم تبتعد سدرة كثيرا فقد لحق بها هارون سريعا وأمسك بها يوقفها أمامه حاولت سدرة التملص من بين يديه والهروب لكنه عجزت أمام قوته الجسدية فصړخت بها كي يتركها 
سبني يا هارون بقولك سبني 
ضمھا هارون من ظهرها لصدره وأمسك يديها يقيد حركتها 
أسيبك دا انا ما صدقت لقيتك مفيش حاجة هتقدر تبعدك عني تاني فاهمة 
صړخت سدرة بهياج 
انا بكرهك بكرهك ومش عايزة أشوفك تاني أبعد عني أنت مينفعش تلمسني كدا لأني مبقتش مراتك خلاص 
أقترب هارون برأسه من رأسها وتلامست وجنتيهما بلمسة أرسلت القشعريرة لكامل جسديهما وهمس لها بخفوت نجح في أثارة مشاعرها 
انا رديتك في اليوم اللي
أتخطفتي فيه وبعد ما عرفت أنك بريئة 
هدأت سدرة قليلا ونظرت له من طرف عينها 
أه طبعا عشان عرفت أني بريئة ردتني صح أنما لو معرفتش كان زمانك لسه مطلقني لكن انا اللي مش عايزاك يا هارون وحتى لو ردتني فانا هرفع عليك قضية طلاق ولا خلع 
زمجر هارون پغضب 
بقى كدا يا سدرة عايزة تخلعي هارون البنا بذات نفسه دا أنت بتحلمي 
أجابته سدرة بعناد وأصرار 
أه هخلعك ومش هقعد على ذمتك يوم واحد فاهم 
أومئ لها هارون بسخرية 
تمام حقك بس من هنا لغاية ما المحكمة تحكم ليك أنت مراتي وهتفضلي معايا وتحت طوعي فاهمة 
ضړبت سدرة الأرض بقدميها تحاول الفرار منه دون جدوى 
أنت بتحلم عمر ما في سقف هيجمعنا تاني يا هارون فاهم 
تركها هارون ولفها يمسك معصميها بيديه وقرب وجهها من وجهه يحدثها ببحة وعلى وجهه أرتسمت ابتسامته الجذابة ترسل بها لعالم اللاوعي 
وحشني اسمع أسمي منك جدا ياريت متبطليش تقوليه تاني 
أهتزت أوصالها وكادت تهوى كما هوى قلبها وعقلها في غياهب حبه لكنها أبطنت ما تشعر به وصړخت في وجهه 
انا بكرهك بكرهك ياريت ما قبلتك تاني 
لم يحرك هارون ساكنا وأجابها بابتسامة حالمة 
وانا بحبك وبعشقك وكنت بدعي ربنا أنه يرجعك ليا بالسلامة تاني والحمدلله أنه أستجاب دعايا 
ثم زفرة بقوة وقال بنبرة يشوبها الجمود 
ودلوقتي آن الأوان أننا نرجع لبيتنا تاني يلا بينا 
وئد هارون كل محاولات سدرة بالهرب منه وأخذها رغما عنها للفندق ومن هناك أخبر سائقه بالأستعداد للرجوع مرة أخرى إلى القاهرة وبالفعل نجح في السيطرة عليها وأعادها حيث كان ينتظرهما الجميع بعدما أخب ثمرهم هارون عبر الهاتف أنه وجدها بالصدفة في الاسكندرية 
الجزء السادس 
أنتهى حمدي من سرد ماحدث لسدرة لأم مراد مما جعلها تشفق عليها أكثر وهزت رأسها تكمل ما عاشته سدرة خلال العام الذي غابت عنهم فيه 
انا أول مرة شوفتها تقريبا من سنة كانت قاعدة هنا على السور ده سرحانة بتبص على البحر متبهدلة وهدومها مش نضيفة ودموعها نزلة على خدها أول ما قربت منها أتفزعت مني وخاڤت وقامت مشيت بعدت مسافة مش كبيرة وقعدت تاني كان شكلها مرهق وباين عليها مكلتش بقالها فترة صعبت عليا قوي لأن تخيلت بنتي مكانها أصل ساعتها كانت سهيلة بنتي لسه سايبة البيت بقالها كام يوم ومشيت مع الواد الصايع اللي غواها وعصاها عليه فضلت أقرب من سدرة لغاية ما خليتها تطمن ليا وخدتها عندي الشقة وأدتها هدوم من بتاعة بناتي وجبت ليها أكل قعدت كام أسبوع ساكتة مبتعملش حاجة غير بټعيط بس يدوب بتاكل لقمة صغيرة طول النهار وبالعافية كمان قعدت أتقرب منها انا والبنات لحد ما بدأت تاخد علينا وتتكلم معانا وواحدة واحدة هى
اللي طلبت مني تطلع تساعدني مع أني مكنتش موافقة بس هى صممت وبقالها فترة معايا حسيت أنها رجعت للحياة وزهرت وبقت كلها حيوية ونشاط ولما جيت أسألها هى منين وأيه حصل معاها سكتت شوية وقالت ليا انا بعتبر نفسى أتولدت يوم ما جيت هنا وعشت معاكم وأي حاجة قبل كدا مش عايزة أفتكرها ولا أتكلم فيها وانا لما لقيتها كدا محبتش أضغط عليها وسبتها براحتها 
أومئ حمدي متفهما ونظر لها ممتنا لصنيعها 
انا مش عارف أشكر حضرتك أزاي على اللي عملتيه مع سدرة أنت أنقذتيها من الضياع والپهدلة في الشارع وزي ما عملتي معاها وحافظتي عليها ربنا ردلك اللي عملتيه بردو وبعت لبنتك اللي حافظ عليها وحماها من السوء صدقيني يا طنط نبيلة سهيلة بنتك مش وحشة ولا أنتي معرفتيش تربيها زي ما قولتي ليها الصبح بالعكس سهيلة بنت بمېت راجل دي كفاية أنها دافعت عن نفسها وشرفها وضړبت شريف بالسکينة في بطنة لما حاول يعتدي عليها 
جحظت عين نبيلة پصدمة ووضعت كفها تصم به صړخة كادت تفضي بها 
أنت بتقول ايه وأمتى حصل ده! 
زفر حمدي بقوة ونطق بنبرة يغلبها الأسف 
حصل بعد ما سابت البيت بكام يوم سهيلة لما جتلك الصبح كانت جاية تحكيلك على كل حاجة حصلت معاها بس أنت مديتهاش فرصة أنك تسمعيها اه سهيلة غلطت وغلط كبير كمان انا مبنكرش ده بس المفروض نلتمس ليها العذر لأنها لسه صغيرة تسعاتشر سنة يعني في سن مراهقة وسهل أن ينضحك عليها فيه بكلمة زي ما عمل الحقېر اللي أسمه شريف يمكن لو بنتك معدنها مش نضيف وحضرتك مربيها صح كانت غلطت معاه عادي لكن هى مقبلتش الغلط ودافعت عن نفسها وحمت شرفها ومش بس كدا دي هربت وقررت ټموت روحها ورمت نفسها قدام عربيتي لولا ستر ربنا وأن ليها أجل كان حصل ليها حاجة لا قدر الله 
لم تستطع نبيلة تحمل المزيد وأنهارت في البكاء على ما مرت به أبنتها الكبرى وأول فرحتها وأول ما رأت عينها من أطفال 
انا مكنتش أعرف كدا انا فكرتها أتجوزته أو ضحك عليها وبعدها رماها وجايه تستسمحني بعد ما ضيعت نفسها 
ربت حمدي على كفها وشعر
بالشفقة عليها 
أهدي يا طنط ومتعيطيش وأن شاءالله كل حاجة هتتصلح 
نظرت له نبيلة بحزن 
هى فين سهيلة هنا ولا رجعت مصر تاني 
هز حمدي رأسه نافيا 
لأ موجودة هنا ونايمة في الفندق بعد ما تعبت من كتر العياط والزعل 
مسحت نبيلة عبراتها بكفيها ونظرت لحمدي تسأله 
ممكن اعرف أنت ليه واقف معاها وليه بتساعدها 
زين حمدي وجهه بابتسامة حانية 
لأني بقدرها وبحترمها 
ثم فرك جبينه بتوتر 
وكمان بحبها دا بعد أذن حضرتك طبعا 
شردت نبيلة للحظة ثم سألته مرة أخرى وهى تدقق في تعابير وجهه 
ويا ترى هتقدر تتقبلها بعد ما عرفت ماضيها مش هتخاف لتكرر معاك اللي عملته معايا مش هتعيرها بغلطها عند أول مشكلة تقابلكم