بعد إجراء 30 عملية تجميل| عائشة الكيلاني تفاجئ الجميع في أحدث ظهور.. «بقت زي القمر»

وفى تصريحات خاصة لليوم السابع نفت الفنانة الكوميدية عائشة الكيلانى إجراء أى عمليات تجميل وفسرت تغيير شكلها، قائلة: "كان عندى مشكلة مرضية وأخدت كورتيزون فتسبب فى زيادة وزنى، وكان عندى مشكلة فى أسنانى وكان بيطلع تحتها خراريج، وكان لازم أشيلها واعمل زرع، ولما سألونى فى أحد البرامج عملت كام عملية تجميل، ضحكت وقلت بهزار عملت 31 عملية، فتداولت المواقع إنى عملت عمليات تجميل علشان أغير شكلى".وتابعت الفنانة الكبيرة ضاحكة: "أنا مش محتاجة عمليات تجميل، 

وزنى كويس ومحافظة على صحتى وبشرتى مرتاحة واللى يشوفنى يدينى سن أصغر حتى بيفتكرونى أصغر من أختى الأصغر منى وباحب الضحك وباهزر حتى مع الناس فى الشارع وأقول إيفيهات طول ما أنا ماشية، لما أحتاج عملية تجميل هعملها لكن أنا ماعملتش".ونفت عائشة الكيلانى وجود أى تأثير للجراحة التى أجرتها على عملها وأداء أدوارها، قائلة "تغير شكلى مش مؤثر على شغلى، أنا عملت مسلسل "أبو ضحكة جنان" وأنا شايلة سنانى، وعملت كل المراحل العمرية للشخصية وهى فى منتصف العمر وعجوزة، وأقدر أعمل كل الشخصيات". وضحكت قائلة: "زرعت سنانى وكل يوم باسقيها والزرع مش عيب، الدور اللى بيعجبنى بادخل الأوضة لوحدى وأعمل الماكياج وأطلع بالكاراكتر، أنا باشوف كل الشخصيات فى الشارع والمترو وبحب شغلى واجتهد فيه".