روايه للكاتبه زينب محمد

بمراقبتها اصطبغ وجهها باللون الاحمر واردفت بتلعثم 
_ مينفعش البس الوان انا وال....
قاطعها كريم بهدوء ليلى عمر الحزن على والدك ما كان باللبس انا شايف دي كلها مظاهر كدابة الحزن بيبقى في القلب .
هتفت ليلى موضحة لا هي مش مظاهر كدابة بس الواحد مبيبقاش له نفس يلبس الوان ويفرح بيبقى كاره الحياة والدنيا .
صمتت هي قليلا ثم اخرجت ما في نفسها طب تعرف انا مش عارفة عايشة ازاي انا مش قادرة اوصف مدى الۏجع والالم اللي جوايا انا نفسي اخرج اللي جوايا مش عارفة صحيح انا مببكيش كتير بس انا قلبي بيبكي على مۏت ابويا المفروض ان ۏجعي بيقل بس الحقيقة انه بيزيد انا ساعات بحس انه مماتش ساعات بحس انه مسافر بس راجع بعد شوية انا مش قادرة اصدق انه ماټ انا جوايا حاجات كتير اتكسرت وعمرها ما تتصلح .
قال كريم بجدية طب انتي عارفة انتي طلعتي اهو اللي جواكي ودي خطوة حلوة .
ابتسمت ليلى بتهكم وقالت دا ميجيش نقطة في اللي جوايا .
اقترب كريم منها وربت علي كتفيها وقال بهدوء بس انا فرحان اوي يا ليلي بالنقطة دي واتمنى انك تزودي كل يوم نقطة هايبقى عندي رصيد كبير انا متأكد .
شعرت بالخۏف اثر لمسته وبلعت ريقها بصعوبة ادرك هو حالتها ابعد يديه وقال بحماس 
_ طب ايه رأيك تلبسي الفستان الاسود دا اهو اسود ومتركيزش على الفراشات البيضة ياستي اعتبري كانها مش موجودة .
أومأت هي برأسها واخذته ودلفت الى المرحاض بينما هتف كريم بضيق شكلي هاتعب معاكي اوي يا ليلى .
في منزل حسني .
ضړبت بكفيها على صدرها وهتفت پصدمة يالهوي يا حسني عاوز تجوز سلمى لزكريا .
رفع حاجبيه ببرود وقال وفيها ايه يا ولية ماله زكريا!.
هتفت سميحة بضيق ماله زكريا ماله انت ايه يا حسني مش واخد بالك هو وامه عملو ايه في ليلى .
زمجر حسني بحدة وقال عملو فيها ايه يكونش اتبلو عليها وبعدين دا حقه ېفضحها في الحارة كلها .
اتسعت عينيها بذهول وقالت حرام عليك يا راجل دا احنا عندنا ولايا .
هتف حسني بعصبية بقولك ايه متوجعيش دماغي اصل انا مش ناقص اللي اقول عليه يتنفذ سلمى هاتتجوز زكريا وهايجو بليل يخطبوها .
انتفضت سميحة پغضب وقالت دا على چثتي مش هايحصل ابدا وبعدين انت ناسي بنتك عيانة وعندها السكر.
وقف هو مقابلها وقال بتحدي عيدي كدا يا ولية اللي قولتيه على ايه ياختي جثتك اه ماهو فعلا
هايبقى علي جثتك اوعي تكوني فاكرة انك هاتلوي دراعي لا ابدا انتي ناسية وصلات الامانة اللي كتباهم على نفسك لحج متولي اكلمه ومن بكرة اخليه يرفعهم عليكي .
صاحت سميحة پغضب يالهوي عاوز تحبسني يا حسني تحبس مراتك وبعدين انا يا خويا كنت كتبتهم ليه مش علشان تفتح محل الجزارة وتقف على رجليك دي اخرة المعروف يا ابو بنتي .
لوى حسني يد سميحة خلفها واردف بشړ انا معنديش عزيز ولا غالي اسمعي كلامي وانتي ساكتة علشان محطكيش في دماغي بنتك هاتطلع بليل والضحكة من الودن دي للودن دي فاهمة والا لأ .
اردفت هي پبكاء فاهمة بس سيب ايدي .
كانت تقف سلمى في الخارج تستمع الى حديثهم سالت الدموع من عينيها ذهبت الى غرفتها واغلقت الباب ثم جلست على فراشها تبكي والدها يريد ان يزوجها زكريا اكثر شخص كرهته في العالم هو السبب في فراق اختها وصديقتها اخذت هاتفها وحاولت الاتصال بشهد حتى تنجدها بحل ولكن لا رد جلست تفكر ماذا تفعل تهرب ام تتزوج زكريا خوفا من تنفيذ والدها لكلامه ويسجن امها رفعت بصرها الى السماء وقالت بصوت مبحوح 
يارب ساعدني انا ضعيفة ساعدني يارب زكريا لا زكريا لا يارب يارب المۏت عندي اهون من اني اتجوزه .
في منزل رامي .
القت شهد هاتفها پعنف وهتفت لسى فاكرين تتصلو عليا دا انتو زي مايكون ما صدقتو امشي حتى مفكروش يطمنو ان كنت عند خالتي والا لأ وزي ما قسيتو قلبكو عليا هاقسي قلبي عليكو .
انتبهت لجرس الباب فتحت باب غرفتها وذهبت باتجاه حتى ترى من الطارق ولكن اوقفها صوت رامي الحاد 
_ هو انتي ليه يا شهد مبتسمعيش كلامي انا مش قولتلك متقربيش ناحيته .
ضحكت هي باستهزاء وهتفت انت طبيعي يا رامي ولا نظامك ايه يعني ايه مفتحش الباب .
تجاهلت اوامره وذهبت صوب الباب ووضعت يديها علي المقبض وجدت يديه فوق يديها ويهتف پغضب 
_ انا هنا راجل البيت واللي اقوله يتسمع فاهمه والا لأ.
هتفت شهد بتحدي طب والله لافتح بقى اوعى كدا .
بهمس 
_ بلاش انا يا شهد اصل انا مچنون وهاتزعلي مني يالا على اوضتك .
استدار هو وفتح الباب وجد والدته تنظر لهم پغضب ابتسم هو ببرود وقال 
_ ايه يا ست الكل دا كله تأخير .
هتفت صفاء بضيق والله قول لنفسك سايبني ساعة على الباب وقاعدين تتخانقو