مياده

هاصدقك لاني عايز كده بس ماتنسيش انك اذا كنتي بتديني حاجه فانتي بتاخدي مقابلها اكتر بكتير.
يعني ايه الكلام ده انا اذا كنت سلمتك نفسي فده عشان انت وعدتني اننا هانتجوز
يييييي هانرجع بقي للسيرة دي تاني ماقولتلك هانتنيل نتجوز لما ابويا يوافق
و اذا ماوفقش
يبقي هانفضل زي ماحنا مبسوطين مع بعض من غير نكد ده اذا

كنتي عايزة تفضلي عايشة عيشة نضيفة زي مانتي كده.
وعد
نعم يا قاسم
قومي حضريلي شنطتي عشان انا مسافر يومين و حضري لنفسك شنطة صغيرة عشان هاوديكي تشوفي ابوكي الشيخ حسن و امك كريمة
نظرتها ليا كانت كلها حزن كانت بتلومني و بتقولي ليه البعد بس ردت عليا بكلمة واحده
حاضر
مشيت من قصادي و دخلت اوضة اللبس و وقفت تبكي من غير صوت
دخلت وراها و قفلت عليها
ليه البكى
مش ببكي
هاتكدبي عليا في دي كمان 
اني مش كدابة
انتي احلى كدابة يا وعد
ببكي عشان انت مخاصمني و باعد نفسك عني
طب ما انتي عارفة اني مخاصمك ليه و بردك مصممة تكدبي عليا
ماتبعدنيش عنك يا ديب
اه يا جلب الديب اللي مخلوع من صدره و مش جادر يبعد عنه
خليني جانبك و انت ترتاح
بجيتي سبب عذابي و راحتي في نفس الوقت طول ماني حاسس انك مدارية عني حاجة لا هقدر ابعدك عني و لا هاقدر 
شيل الاحساس دة من جلبك و انت ترتاح و تريحني اني بحبك يا قاسم و عمري ما هاكون غير ليك.
اني عارف انك بتحبينى يا وعدي و حتة انك مش هاتكوني غير ليا دي مش بمزاجك انتي ليا سواء راضية او لاه
راضية و حياتك انت عندي راضية يا قاسم بس خاېفة منك و عليك
جوليلي ايه اللي مخوفك و اني هاعرف اتصرف بس جولي سبب خۏفك يا وعد.
كل اللي هاجوله ليك اني بحبك حتي لو حپستني اهنه لحد ما ترجع و قفلت عليا بمية جفل هبقي راضية و مستنياك يا قاسم
كلامها قصر فيا و عنيها سحرتني اكتر ما هي سحراني
و انا مش هاقدر ابعد عنك اكتر من أكدة خلاص انتي مرتي و لازم الناس كلها تعرف انك ملكه و قاعدة علي عرش جلبي.
يعني مش هاتسيبني يا قاسم
لاه مش هاسيبك ابدا يا روحي
تعالي
لاه
بجولك تعالي ليا اهنه
لاه اني هادخل البس
جولتلك انتي روحي حد بردك يزهق من روحه
طب ما انت عايز تسيب روحك و تسافر
لاه هاخدك معاي خلاص بعد اللي حصل بينا دلوك ماهقدرش ابعد عنك ابدا ابدا
يا حبيبي يا ديب
تعالي بجي يا مرت الديب عشان في كلام كبير جوي عايز اجوله ليكي.
ههههههههههه بكفياك كلام يا قاسم عشان تلحج اتسافر
لاه اني عايزك في موضوع مهم جوي تعالي بس يا بت عزوز بلا سفر بلا نيله
يا عريس يا عريس
حمدالله علي السلامه يا زفت ازيك يا ندي
اهلا ازيك يا رامي اومال فين دينا
دينا مش هنا خرجت من الفندق كله مع مامتها و اختها يشترو شوية حاجات تعالي يا عصام انا عايز اتكلم معاك.
الله مالك يا رامي مقابلني مقابلة
ناشفة كده ليه
تعالي بس و انت تفهم
طب و انا هاتسبوني لوحدي
اقعدي في الريسبشن و هاطلبلك حاجة تشربيها و احنا مش هانتأخر عليكي
و بعد ما بعدو عنها
ما تقولي يا بني انت مالك و اخدني علي الحامي كده ليه اوعي تكون عايز تخلع من الجواز.
ليه و انا زيك
زيي!! في ايه يا رامي مالك بتكلمني كده
بص يا عصام انا حذرتك قبل كده من اللي كنت بتفكر فيه لكن واضح انك اتمديت في تفكيرك لاء و خطط و نفذت كمان
انا مش فاهم انت بتتكلم عن ايه اصلا
بتكلم عن وعد الديب يا عصام
اه البت اللي قاسم مقعدها في بيته و بيقول عليها اخته و هي مش اخته و لا حاجة
هي المحروسه اللي اتلمت عليك قالتلك بس الجديد بقي و اللي انت ماتعرفهوش انها تبقي مراته يا حلو عارف يعني ايه مراته.
مراته دا كده أحلوت اوي
بتقول حاجه يا عصام
بقول و لما هي مراته ليه كان مخبي علينا
و احنا مالنا يا اخي ما هو حر دي حاجة خاصه بيه هو
و بعدين انت عارف قاسم كويس اوي ده صعيدي و انت عارف الصعيادة في الحته دي مابيتفهموش
الا الحريم عندهم يا عصام دي بيبقي فيها ډم