رفقا بالقوارير بقلم مياده مٱمون

الكلام معايا و بعدين ماتستعجليش قريب اوي البيت ده هيبقي بيتي انتي هنا مجرد ضيفة فيه و هاترجعي للكفر اللي جيتي منه تاني
و هيبقى بيتك ازاي بقى انشاء الله
ملاكيش دعوة و يلا علي فوق يا شاطره اطلعي ذاكرى زي ما قالك قاسم
اسمعي بقي يا بت انتي انا ماليش في البنات دي
و البيت ده عايزة تدخليه بعد كدة يبقي تقعدي فيه بآدبك غير كده ملاكيش عندي الا الطرد منه

و هاتي بقي اللاب اللي في ايدك ده انتي سرقاه و لا ايه
صړخت ندي بصوت عالي
انتي قليلة الادب اوعي ايدك دي قاسم يا قاسم
خرجنا علي صوتهم و كالعاده توقعت انها هي و وعد بيتخانقوا
في ايه مالكم انتو اټجننتو هو انتو كل ما تتقابلوا تعملولي مشكلة
ندي پبكاء مصطنع
تعالي شوف الهانم بتقول عليا ايه يرضيك تقول عليا انا حرامية و سارقه اللابتوب
آنتي جولتي آكده يا وعد
عينها كانت كلها كبرياء و شجاعة انا بس اللي عارفها كويس عزة نفس الصعيدية اللي عمرها ما تحني راسها لحد ابدا
ايوا جولت اكده
يبجى تعتذرى عن اللي جولتيه حالا
بصتلي و الدموع اتجمعت في عينها بتهدد بالنزول علي خدها المرمرى
و سابت مج الكاكو اللي كان في ايدها
عشان يقع علي الارض و يتكسر
و الكاكو يبهدل السجاده و يبهدلني انا كمان و طلعت تجرى علي فوق
وعد وعد آجفي بجولك
انا آسف اوي يا جماعه علي اللي حصل ده عن آذنكم اطلع اغير هدومي
و انتي يا ندى افتحي اللاب و وريهم صور الفندق و نادي حد من الشاغلين ينضف الدنيا دي
ندي بمكر حاضر يا قاسم بس انت ماتزعلش نفسك
طلعت علي فوق و آنا شايط من الغيظ منها و دخلت لقيتها هي كمان بتغير هدومها في آوضة اللبس و صوت بكاها عالي جدا
و صړخت فيها پغضب
آنتي ايه اللي عملتيه ده حد يعمل كده مش ناوية تتمدني بقى هاتفضلي طول عمرك تتعاملي بالطريقة دي
صوت بكاها سكت فاجئه و قالتلي بكل جراءة
لاه مش راح اتغير ابدا احسنلك تطلجني و ترجعني الكفر اللي جيت منه
بعدتها عني و انا مستغرب كلامها آوي و مادريتش بنفسي غير و كفي بينزل علي خدها و هي بتقع علي الارض من شدة الضړبة 
لازم تعرفي انك يوم ما هترجعي علي الكفر هيبجى عشان اډفنك جنب امك فدوه لكن طلاج اني مابطلجش يا بت عزوز 
غيرت هدومي و سيبتها مرميه مكانها زي ما هي و نزلت ليهم تاني
و آول ما شافتني دينا قالتلي
قاسم اوعي تكون زعلتها
ماتشغليش بالك بيها يا دينا
ماشغلش بالي ازاي لو سمحت انا عايزة اطلعلها
ماشي اطلعي ليها
طلعت ليها لاقيتها قاعده زي ما هي علي الارض پتبكي
وعد مالك يا حبيبتي قاعدة كده ليه قومي
البسي احسن تاخدي برد بټعيطي كدة ليه يا خبر ايه ده هو قاسم ضړبك
مافيش حاجة يا دينا انا كويسة
مافيش حاجة ايه بس المچنون ده ازاي يعمل كده
كله من الزفته ندى دي بس معلش و حياتك عندي لا انزل دلوقتي ابهدلها
لاء عشان خاطرى يا دينا كفاية اللي حصل
طب خلاص ماتزعليش و بطلي عياط ايه رآيك بقى ان انا جاية اعزمك علي فرحي و انتي اول المدعوين
ابتسمت ليها وعد بسخرية
الف مبروك بس تفتكرى انه هايرضي يا خدني معاه
لاء من الناحية دي ماتخفيش انا هاخليه
يرضي قومي بس البسي تعالي معايا يلا
الله ايه
ده هو انتو الآتنين لبسكم في اوضة لبس واحده ليه هو انتو بتنامو في نفس الاوضه مع بعض
هاه ايوة اصل انا بخاف و مش متعودة انام لوحدي
نزلت دينا و بدئت تبصلي بلوم و عينها بتحاسبني علي اللي عملته
مالك واقفة كده ليه يا دينا
هافرقع من الغيظ يا رامي
يا ساتر ليه يا حبيبتي
اصلي مش بحب المكر و لا ليا في ال زي ناس قاسم انا عايزة اتكلم معاك
كنت عارف انها هاتكلمني و هي زعلانة عشانها
ماشي تعالي ندخل المكتب يا دينا
دخلنا المكتب انا و هي و اول ما قفلت الباب اڼفجرت فيا
انت اټجننت ازاي تعمل كدة تدخل علي البنت و تضربها عشان دي ټضرب اختك عشان ندى يا قاسم
انتي مش فاهمه حاجه يا دينا انا مضربتهاش عشان ندى
آومال عشان ايه هاه البنت لسه صغيره و في ثانوية عامه و انت علطول عليها لاء و كمان بتضربها يا قاسم انت حقيقي اټجننت
كفاية بقى يا دينا من فضلك ماتتدخليش بيني و بينها
لاء هاتدخل ايه رآيك بقى انا اديتها رقم تليفوني و آخدت رقمها و هاكلمها علطول و لا انت شايفني مش قد المقام
انا ماقولتش كده يا دينا بس
بس ايه حرام عليك يا قاسم ماتبقاش قاسې عليها كفايه عليها يتمها و عشان خاطرى لو بتعتبرني صحيح آختك وعد لازم تيجي فرحي
بصتلها و آنا مستغرب من طيبتها و حبها لوعد و استغربت اكتر لما عرفت انها فاهمة تصرفات ندى كويس اوي بس قولت انهي المناقشه معاها
ربنا يسهل يا دينا ان شاء الله هابقي